Halibur Estudante Padiae (HESPAD)
Aktividade HESPAD 2013
Halibur Estudante Padiae ho naran ha
badak maka HESPAD nebe nu’udar organizasaun estudante nebe’e kompostu husi
estudantes suco rua (2) hanesan : Suco
Cunha no Suco Lalisuk. Organizasaun ne’e hari’i iha Oe-cusse, dia 11 Novembru
2003, ho nia komitmentu atu hametin estudante no joventude nebe atu hakuak
comunidade tomak iha distritu Oe-cusse specialmente ba komunidade iha Suco
Cunha no Lalisuk. Organizasaun HESPAD hanesan organizasaun nebe imparsialidade
no la buka lukru, no la inklina iha Partidus politika ruma. Organizasaun ne’e
ho nia Visaun, Mizaun no Objetivu nebe klaru atu halao nia programa iha nivel
edukasaun, sosial ekonomia liu husi kapasita rekursu Humanu (SDM). Strategia
Organizasaun HESPAD uza tuir instrumentu-instrumentu programa nebe relavante
liu husi aktividade hodi halao no benefisiu nebe diak, bazeia ba Visaun, Misaun
no struktural HESPAD. Statuta ka Lei baziku HESPAD nebe formadu ho nia objetivu
atu sai hanesan matadalan hodi halao dezenvolvimentu tuir programa HESPAD ba
nia membru, (Sruktural, Koordenador, no membrus HESPAD).
Halibur Estudante Padiae (HESPAD) hato'o nia agradece wain ba Komunidade tomak ne'ebe ho laran luak suporta ona aktividade ne'ebe mak HESPAD halao iha fin de 2013 ne'e. La haluhan mos ami hato'o agradece i obrigado wain ba ONGs lokal, Kompanha Lokal, Komunidade kada bairo, Komunitas Dili no Funsionariu Padiae ne'ebe suporta ona materials no financeiru ba aktividade's hirak ne'ebe mak HESPAD implementa ona.
Aktividade's HESPAD ne'ebe halao iha fin de 2013 mak hanesan tuir mai ne'e:
1. Desportu:
Desportu hanesan aktividade ne'ebe mak sai ona hanesan kampiunatu NATAL CUP ne'ebe sempre halao kada tinan antes tamba ba festa Natal no Tinan foun. Iha tinan ida ne'e hahu husi Novembru-Dezembru 2013, ne'ebe kompostu husi grupu 16 reprezentante husi Suco: Lalisuk, Cunha, Costa, Naimeco, Bobocase no Bobometo.
Husi grupo 16 mak: Padiae A, Padiae B, Manuimpena, Banoko, Noapai, Umenoaf, Noafafo, Roti, Nunuhenu, Samoro, Oebaha, Bimelo, Usapibela, Mataunome, Baki no Noeninen.
Iha tinan ne'e 2013 grupo ne'ebe mak sai hanesan primeiru lugar maka "Grupu Padiae A" segundu lugar "Banoko" terseiru lugar " Noapai" no quarto lugar " Manuimpena.
Objetivu husi Aktividade ne'e:
- Buka fini ba labarik no joventude nebe iha talenta ba desportu
- Dezenvolve Mentalidade ba labarik no joventude
- Hasa’e kapasidade ba labarik no joventude iha area desportu
- Hametin Unidade, Amizade no Paz ba komunidade
- Hamenus numeru konflitus entre grupo artemarsies ne’ebe la fo garante ba etsabilidade Unidade Nasional.
Kompetisaun korru ne'ebe halao iha dia, 29 Dezembru 2013, sai hanesan atividade espiritual ba selebrasaun loron
santo Natal 2013 no Tinan foun 2014, atu atrai kada sarani ou komunidade iha
estasaun missionari Padiae atu aprende kantiku misa uza notas nomos
artikulasaun no expresaun husi kantores kada grupo / bairos. Atividade ne’e mos
atu hametin sarani nia fiar diak liu tan. Kompetisaun Korru hala’o
ba dala rua ba tinan ida ne’e iha estasaun misionario Padeia, bairo 5 mak partesipa
iha kompetisaun ne’e husi bairo "Padiae", "Noapai", "Noafafo", "Umenoah" no "Noeninen",
no tinan ida ne’e prepara premio rotasaun. Tanto ne’e komisaun prepara
kantikos sira ho nia espesifiko hanesan kantiko obrigatorio 1 no kantikos
eskolha 4. Iha tinan ne'e bairo Noafafo mak sai hanesan primeiro lugar, Bairo Umenoah segundu lugar no Bairo Padiae terseiru lugar.
3. Certame:
Atividade Kadi Kakutak hala’o iha dia 23 Decembro 2013, Kadi Kakutak (certame) hala’o ba labarik ho idade 5 no 6
anos iha nivel educasaun ensino primaria ba bairo iha Estasaun Misionario
Padiae. Iha atividade ne'e partisipa husi partesipante bairo 7 mak hanesan: Manuinpena, Oe-foko, Padeia, Banoco, Noafafo,
Noapai no Umenoah. Atividade Kadi Kakutak mos foin halo iha tinan ida ne’e ho
objektivu Haklean
kunhesementu ba dutrina fiar ba Maromak, hasa’e kunhesementu labarik entre
bairos koba ba dutrina relijiaun katolika nian, Halo labarik sira hodi hatoman a’an ho situasaun
no kondisaun nebe iha, muda mentalidade labarik sira fatin publiku.
4. Reflorestasaun:
Atividade kuda ai oan halao iha dia, 28 Dezembro 2013. reflorestasaun ho hanoin ida katak mudansa
klimatika sai prekupasaun ema hotu iha mundu, nomos iha nasaun Timor leste,
nebe organizasaun HESPAD hanoin oinsa haburas fila fali floresta no ambiente
iha komunidade iha Padiae, nebe HESPAD hili fatin public hanesan Igreja, Escola
Primaria no Presecundaria Katolika Padiae no Escola Publico Primaria Noapai,
sede suco Cunha no Lalisuk no merkadu atu kuda aio horis. Atividade
kuda ai horis ne’e sai hanesan atividade promosaun ba komunidades nebe sei
estraga floresta.
Objetivu Jeral:
- Halo prevenesaun ba rai monu, no inundasaun, hodi haburas ka hamatak hikas rai liu husi atividade floresta.
- Proteza no promove rai monu, tesi ai arbiru no inundasaun ne’ebé sempre afeta horik fatin komunidade sira nian.
- Hakbi’it koñesimentu foinsa’e no komunidade sira, kona ba atu labele tesi ai no sunu rai arbiru ne’ebé fó impaktu ba mudansa klimatika.
5. Sorumutu Annual Membru HESPAD:
· Sorumutu
Annual, hala’o iha dia, 03 Janeiro 2014, ho objectivo husi evaluasaun ne'e atu evalua atividade, haforsa statutu no halo word-plan ba actividade tinan 2014. Iha sorumutu ne'e bele rona mos ideas husi kada estudante, joventude no konselhu ka eis-strutura HESPAD kona ba saida mak organizasaun no benefisiu saida maka hetan husi organisasaun. Objetivu seluk husi sorumutu ne'e mos bele kapasita estudante ka joventude iha grupu deskusaun no aumenta mentalidade koalia iha publiku. Iha parte seluk mos bele hametin no haforsa struktura organizasaun iha futuru. Iha aktividade ne'e mos kontinua ho han hamutuk ka kalan haksolok hamutuk entre estudante husi Kupang, estudante Dili, estudante Oekusi, Joventude, Intelektual Padiae, Autoridade Suco no Estrutura estasaun misionario Padiae.
Halibura Estudante Padiae (HESPAD) nafatin presiza ita hotu nia kontribuisaun tantu material, finanseiru, ideas ne'ebe produktivu hodi bele tane nafatin organizasaun Estudante ne'e ba futuru. HESPAD mos rekoneche failansu ne'ebe mak durante akontese iha implementasaun programa, ne'e mos sai hanesan lisaun apriende hodi nune'e ba oin bele hadiak liu tan.
Obrigado wain.
Abraco.!!!!
Liput, by: Membru HESPAD
·
Tidak ada komentar:
Posting Komentar